明沽實買 2

19/10 [Quote fr disscus.com.hk] 希望各位在風高浪急的日子，唔好玩Day Trade，Warrant，Call/Put。風險是無辦法可以好好管理。市場祇可以預測，是不可以預知。Chaos Theory用非線性動態模型已經証實，靠預測每天的股市來玩Day Trade，賺面比玩大小點，還要少。

今天，唔知死，去低吸博反彈的散戶，又會被捉。一日捉你一百幾十億，天天捉、日日捉，"專家"天天唱，日日唱，實行唱到散戶心驚驚。不過橋唔怕舊，致緊要受。次次，d傻瓜散戶都係咁傻。

建議策略："形人而我無形"，不表露自已的購買力，不表露自已的持貨力。"不買不沽"，到了時候，當大戶玩到無引之時，便是出戰之日。

大戶真利害，借貨沽匯豐，這個賣價，連來貨價都唔祇！真是落本。大戶大手大手咁沽，好鬼豪。我都話大戶唔易做. 唉！蝕到入肉都要沽。

現在成交同跌幅好鬼唔成正比例，哈哈。散戶"不沽不買"，散戶有互聯網互通消息，大戶今次都幾難玩。今次，大戶先至遇到強手散戶。大戶大跌眼鏡，又要重新check個simulation model又無攪錯，唉！個大戶個IT programmer及Economists，可能會比大戶炒油。用博奕論及蝴蝶效應，把大戶玩到頭都大晒。

博奕論已經包含孫子兵法的原則，孫子兵法是實例，博奕論是用數學來推斷人類的博奕行為。孫子兵法，是中國人最原始的博奕論。John Nash到了近代才把孫子兵法數學化罷了。博奕的要點，是你就算知我(散戶)點做，我都賺硬你。咁，才是博奕的最高境界。

我常用的博奕原則，便是"囚犯困境"，一個簡單易明的基來博奕原則，用途相當廣泛。在這博奕原則下，大戶有幾多，死幾多。從前，我都係用這個連傻瓜都可以明白的博奕原則，賺大戶錢，賺到開巷。Game Theory，無得頂！還有"籠中豬"博奕論、Nash equilbrium，都是非常好用的投資博奕。Game Theory面世了半個世紀，近來才得到學術界的重視。

小心、賺了battle，輸了the War。現行策略，以逸待勞，靜觀其變。唔好見到黑影便亂開槍。不要把自已顯露在敵人的視線，及射程之內。把自已有形變無形。可以耐心等待，已經發達了一半。

我們現在裝整待發，把自已的武器(可動用現金及現金等價物)一一檢查，穿上迷彩服，連呼吸聲都要細聲。待大戶殺了大部份散戶，滿手都是血時。當佢以為散戶已經全軍覆沒，坐係度休息回氣(在市場慢慢回補)時，我地便無喇喇，出現在大戶的身邊，同佢一樣慢慢吸，慢慢賣。殺大戶一個措手不及。現在要耐心等待，唔好比大戶發現。"一個投機者的告白"說到"錢是往有耐性的人口袋裡走。"

個成交好似動也不動。大戶今晚一定開international video conference call，同歐洲及亞洲的各做淡大戶開會，匯報香港的特別(無人驚、無人沽)的怪現象。香港大戶一定比佢老細勁丙！香港跟唔上各地的做勁淡，咁點算？咁其他地區重做唔做淡？大戶頭都痛晒。

三軍未動，糧食先行 - 我已經計好晒數，有總資產的25%現金(已經在定期提出來)，加上50%的持有股票可以用來換馬。即是，我有75% of 總資產值，可以在適當時候投入市場。以我過往的經驗(科網及非典)，在崩盤以後，大市回升之時，平均會有三倍的升幅。咁，即係話我的75% of 總資產會在未來幾年有約三倍的升幅。

建議散戶策略：把資金分成三批吸貨。耐心等待時機，當大戶無晒心機，玩到無引時，便殺出得到最後勝利。...................換馬的意義是瘦馬變肥馬。

各位，現在你地要開家庭會議，商討一下財務點走。把現金或現金等價物group埋之後，便決定點分第一波、第二波及第三波入市。唔好怕入市，越入越低或越入越高。這時的心理態度是非常重要。芭菲特都試過多次，越入越低的情況。這個是重要的。要好好控制心理，決定什麼市況用第一波、如果點用第二波。這些吸貨是Art and not Science。

大戶用真金白銀咁做市，我地d小蝴蝶祇是在拍翼，以柔制剛，以靜制動，以小博大。這個博奕，可以用籠中豬博奕來解釋。籠中豬博奕的結果是，小蝴蝶乜都唔法做，坐享其乘。大戶陪了夫人又折兵。

7:00pm 大戶開緊international video conferencing。亞洲的股市今天個個達標，d地區大戶個個高興都不得了，但唯獨港股成交"und"豬豬，連二百億都唔到，祇得197億。老細話："大那那幾百億，抽落一千三百點，你估我賺錢好易...."。

大戶重商量緊，下一步。一千三百多點，重要做幾多落去，重要燒幾多錢紙。其他地區已經達標，唔通單單放過香港？大戶真唔易做！今晚港區負責人無得睡，要整過幾個scenario及budgets比大老細，明天繼續開會。

其實我所講"大戶"祇是對敵人的形象化。要了解敵人，必先要把敵人形象化。如果自已心裡覺得，敵人無處不在，都唔知誰是敵人，敵人在那裡，好難用EQ打勝一場仗。敵人都是人(有感情，有弱點)及組織(有漏洞及不足)。我地要先把敵人描寫出來，然後了解其弱點。當在自已內心，把敵人形象化之後，便可以"形人"。心中有了影像之後，便可以進行博奕。


18/10 大戶開完會，繼續黎料！各位長線價值投資者，兄弟姊妹，數定錢，預備幾年後唔洗做，炒老板油魚。各無實力、心驚驚、無耐性、止賺止蝕、Day Traders散貨等等，請勁沽貨，唔該。

今日入了市的正一大傻瓜- 大戶開完會，初步評估情況。散戶情緒仍高漲，加上建行不如先前的推論，lock住大量游資。使到建行招股不如理想及散戶有組織行動，顯得有些不高興。大戶改變策略，玩"引蛇出洞，逐個擊破"，利用散戶自私自利的心態，消耗散戶的游資及樂觀情緒。用把刀上完又落，落完又上，和散戶打消耗戰。

用博奕論來解構第二局：
大戶出招: 在多方面，發出對市場樂觀的言論，如愛國商人增持自家公司股票，加上"專家"、"明燈"說已經回穩，港市值唔貴等等言論，制造市場已經見底的樂觀情緒，引誘散戶入市博反彈，以消耗散戶的購買力。

散戶A見到市場差不多見底，便想爭先在散戶B入市。散戶A想執"平貨"以賺蠅頭小利。散戶B亦是同樣咁唸。因此，散戶A及散戶B今天爭相入市博反彈。結果：大戶勝，散戶A及B輸。散戶消耗自已的游資。每次的大崩盤，都是當散戶的游資全數lock在投資市場內，崩盤才會出現。用市場波幅，上上落落，每天可以消耗百多億的散戶游資。我的建議，"大戶不動，我不動"。不中大戶的計，保留實力。不沽不吸。

大戶現在做緊，把條線抽上抽落，好似釣魚咁，咁睇下有無d傻瓜散戶，游下游下，想食野。比幾個巴仙(反彈)的蠅頭小利給散戶，便引來多d散戶，以為有大茶飯吃。就咁，在網裡的散戶便越來越多。當散戶及資金大部份都捉晒時，然後一下子，把網抽上。咁便是崩盤。

在無數次崩盤到極點時，都是散戶好想買貨之時，但因為無晒資金，而望住$105的匯豐，$22蚊的中移.....。得過恨字。這時大戶(和像我的長線價值投資者)便慢慢食、慢慢吸，睇到你班傻瓜散戶在網內叫生叫死！非典及科網崩盤時，當時的快樂，現在歷歷在目！