明沽實買 1

明沽實買

哪、這些所謂乜"專家"、物"專家"，說穿又係做大戶打手。大戶第一注沽貨，做成幾個價位、幾個價位咁落。這一注，大戶成本唔少嫁，真金白銀咁，沽手頭上d貨(或者要借貨沽)。沽完一浸，都幾傷。所以，便叫d"專家"打手去唱衰、唱低個市。唱衰個市唔洗資金。日唱、夜唱、天天唱、月月唱，唱都d散戶心都實晒，最後頂唔順便沽埋一份。咁d大戶才可以在低位接番d平貨鑼。

我玩了投資咁耐，大戶用黎用到，都是這一招。先用實貨沽，再加"專家"打手一起唱。

12/10/2005 利息？美國樓價？油價？<----這些祇是做淡借口。如果無這些借口，d傻瓜散戶，點會信？這些所謂消息，唔通上年唔知？今年年頭唔知？上星期先知？直至今天12點先知？當然唔係喇。大戶祇是精心部署的造淡借口。

其實，現價港股(at 15000點)已經完全反映晒這些一早知的壞消息，如果無這些壞消息，港股早已經上到16000或17000點。所以，在早已經反映了的壞消息，大戶郤好像今天12點才知這些壞消息(咁搞笑)，再加一腳，其心已經可知。

無預期咁高？記唔記得年初/中時，大行出個報告話油價上到$80~$100？佢地唔知？我真係唔信。還有個息口，一早已經預左會加到年底，甚至明年初。佢地又唔知？咁搞笑？

你地知唔知，在美國、歐洲的大戶用了幾咁多的econometric models來測市，預測利率、油價、GDP、International trades等等。每晚都用super computer 來run d computer simulation來預測市場。你估佢地同我地咁，天天看"明燈"專欄

大戶要由較低位(13xxx)再推上(16xxx)先至有大茶飯食
2500*50 = 125000 一張大期, 計下揸一千張大期袋幾多呀

現在有互聯網，資訊流通，佢地想做市都無咁易。在Game Theory說到，大戶對散戶的博奕。大戶的力量一定不及散戶，但大戶勝在齊心，散戶因為缺乏溝通，便好容易給大戶愚弄。Game Theory說到，如果散戶可以互有系統的資訊，信念一致，大戶必輸無疑！

13/10 今天大戶好像停止勁沽，讓"專家"做野大戶做市，沽下，停下，讓"專家"、報紙、"明燈"唱淡。始終唱淡唔需要錢，但唱淡的效用一點不下於勁沽。勁沽落黎，下下都要錢。你估大戶唔肉都赤晒？次次都係咁玩，睇到我都識背。
大戶完成第一波沽貨，現正評估市場(散戶)的動向。這是一場博奕遊戲(Game Theory)中"一報還一報"的理論。佢地今天(這幾天)會牛咁眼睇住d市場(散戶)沽/買盤，來自何處？數量幾大？利率這個因素有無發揮預期做淡的作用，研究需唔需要加其他做淡理由等等。在市場、證券行收料，評估市場(散戶)動向，以決定下一步點走。

Game Theory已經有了好耐. 孫子說:"知己知彼，百戰百勝。" Game Theory對了解大戶/散戶，在每種博奕方式下的預期動作，有很好的解釋。

1. 有貨一定唔沽(因我知我d股值幾多，唔洗個市場話比我聽佢地值幾多.
2. 有錢等買貨(唔好心淡，黑暗之後是光明。未發達先興奮。
3. 有貨無晒錢，等換馬把無咁好升值的次好股票，換上自已好想好想買的好股票。不過從前這些股票太高, 無錢買或唔想高追。

以上三種面向跌市的方法，一樣咁發達。唔係剩係有現金的才會發達。我試過最發達的，是第三種做法。反而祇得現金的人，因心理質素問題(無股票在手，對風險有過高的反應)，回報不是最高。懂得換馬者，換那些馬，才是股票的長勝將軍！

崩盤唔會在一日、一個星期、一個月或在半年完成。大戶做市，會慢慢來，先是急跌，其後叫d報紙、電視、"專家"、"明燈"出來唱淡，天天唱、日日唱。這兩個星期，主要是大戶沽貨，我唔見有大量散戶在追沽，不過可能有散戶有止賺盤在沽。這是第一階段的崩盤。好戲還在後面。

大戶會停一停，忽然又大殺落黎，忽然又抽上去少少，時快時慢，時急時慢。當弄到d散戶對個市場的將來完全失去信心，不計價止蝕時，這時大市的崩盤才是正式開始。崩盤完之後，大戶要個市長期無得升，散戶對股票市場產生反感，把保險箱內的股票都放出黎沽，咁個市才跌完。但跌完之後，個市會有一排無得升，因為大戶要回補，慢慢不動聲色咁吸平貨，預備下一次做好。當成交祇得百億左右或更少，股價唔升，這是入市訊號。這時才是我殺出黎吸貨之時。

現在祇是一號風球，大部份股價都未回落到今年三月的水平。現在吸，太早及貴了。大戶咁重本做落黎，點會咁就收手？

大戶做市，唔好估底。根據Chaos Theory及"一個投機者的告白"說到，明天是不可能預測的。我買貨唔係估期指跌到幾多點便入貨，我係睇成交量及隻股是不是超值。指數並不重要。

14/10 現在大戶真金白銀做勁淡，專家又勁唱，但都係唔見散戶追沽，唔見d散戶驚，重有d散戶重離普，係度吸貨。喂，唔該幫幫忙，扮下驚，你地唔扮驚，大戶唔會做落黎。大戶唔做落黎，我地點發達呀！唔該幫幫忙，追沽喇。或者打上電台的財經節目，扮下高位接左貨唔知點好。

你扮唔驚大哥先會再落本沽低d. 你一驚沽晒d貨就會升番架啦. 睇大戶震得幾耐我係唔放. 我平買！！佢濺賣！！
yes yes! 大戶根本未擔心過, 你地係唔驚咩, 佢就再推低d, 越推越低, 推到你地頂唔順為止. 到你地真係頂唔順, 賤價散貨啦, 佢地就低位再接返.想嬴就同佢鬥耐力囉, 不過得返一半都唔夠果時, 坐艇都真係幾心寒架~~

上兩個星期期指結算時, 係人都知升完有跌市啦。 D大戶當我地傻仔咩, 你賣得咁上下都要補倉啦; 你賣我就吸, 睇下呢個月期指結算時你點死。

14/10 小心大戶可能玩唔落，逆向炒上, 這個是要提防。今天，我見d盤觸目驚心。大戶沽了一千一百點，可能已經肉痛到痹。佢在這個Week-End之前，特然發難再沽，試一試散戶敢唔敢在Week-end最後一日接貨。但結果，是驚人的，散戶還是不斷地接貨。我唸大戶可能會在Week-end，下星期初做一個evaulation，睇下下一步點做。

大戶可能會再借著美國數據，再試試做落去。然後才有決定。大戶可能在短期內再試一試沽落去，如果都係唔得，便會最終改變策略，逆向炒上。

"...當你覺得谷底反彈時,大戶就繼續沽落去, 當你覺得仲有排跌時,大戶就挾上....大戶個心真係難捉摸.. ..."

這個正是Game Theory的好玩之處。大戶對散戶。從前散戶不能互相通訊，大戶便大玩心理遊戲，用散戶自私(先於別人沽貨，而自已減少損失)的心態，從中獲利。大戶祇要控制報紙、"專家"、"明燈"便可以左右散戶。叫散戶自相殘殺。

但現在有了互聯網，如HK DISCUSS的forum，散戶可以互通消息，集體行動。以財力計，如果散戶一致，如今次所表現出來的，大戶必死無疑！

以HK DISCUSS的閱讀率來計，在這裡發放資料，加上網友和親戚、朋友等互通消息。如以一對十的消息分享，可能全港有成十多萬人股民都會得知HK DISCUSS內的一切討論。這個可能解釋到為什麼大戶在有了互聯網(及forum)的日子，咁難做市。

由此推斷，從前由股災所能引發的崩盤，到了現在，最多祇是可以玩波幅。即是上落千多點，已經是極限。是個現像是一個有趣的research topic。"How the Internet influence the cycles in the stock market" 這個可能是一個PhD的研究項目。

如果這個推斷正確，大戶好可能利用逆向思維，轉身炒上。這個要小心提防。即是話，如果各網友已經有心水股，而且自已計算過覺得已經超值，可以考慮入市。等個市再落，低少少才買，可能祇是一相情願的想法。

今次可以用博奕論來解釋, 通常的情況是：
大戶出牌---(沽)，散戶A及散戶B見來勢不好，散戶A便選擇要先過散戶B去沽貨。散戶B亦是咁唸。但是散戶之間沒有溝通的渠道。結果是因為散戶自私的心態，散戶A及散戶B都跟沽。股票繼續下跌。散戶A及B的股票跌到不合理的地步。

大戶再出牌----(購入)。大戶可以回補，散戶A及B都輸。

這個現像，我在科網、非典及宏調見到都是這個模型。

現在情況：
大戶出牌---(沽)，有了互聯網互通消息，散戶A及散戶B有共識，知道大戶正在玩野。不沽手上的貨，反而共同在市場吸貨。這個現象，我玩了股票咁耐，在每次大時代，我沒有見過。可能要d長老來說一下從前的股票歷史。

因此，大戶如果繼續沽，損失的祇有大戶，散戶A及散戶B勝。大戶如果反過來吸，這是唯一一個做法可以減少損失，暫時離場。整頓軍心，下次再黎過。

大戶在這個博奕遊戲之中，有兩個選擇：
第一個：(越踏城深的博奕理論)，不甘輸了一千點，繼續再插。我唸如果大戶選擇這個博奕，會祇少插多二千點，才可能會再次引起散戶A及B的自私心態。但要大戶一方(單方面而沒有散戶追沽的情況下)，是很難做到，這個成本可能是天文數字。如果這個情況出現，大戶可能真的引起散戶A及B的自私追沽心態，這時大市可能會共回落四千點之下，即是到達10000點。但在現今的經濟情況，真是看不見基本因素去支持這個跌幅。

第二個：如上所講，大戶明今收兵，計算損失。下次再玩過。

第三個，跌多一、二百點，炒上少少(可能只有五百點)引起散戶A及B的入市心態，加多少少報紙佬話14XXX守穩再上，之後又插大力D。得唔得呢？

牛市咁玩好重本，最後唔上返16000，大戶都唔夠轉身!!!!!!!!!!!!!

玩股票，大戶對散戶，如玩棋局。大家的經濟，動作，會好清楚。高手在於，你知我會點行，我都會贏硬你。

在我離開全職工作，玩了投資咁耐，我無輸過一毫子比大戶。大戶每天為我工作。我利用大戶，絕對唔會比大戶利用。點解我可以咁，因為是"一個投機者的告白"、Ben Graham、芭菲特的經驗，加上對投資原理的研究。這些東西、理論、經驗，你估大戶唔知，你估大戶唔知長線價值投資是點玩？佢地一定知，但知又點？咪又係輸比我地d長線價值投資者，大戶吹我唔脹。我就係要佢知我點行，我都要贏佢地d錢，咁才是金錢的樂趣。

在我的投資字典裡頭，"沒有輸錢比大戶"這個字句！

今天大戶開會，商討一步點做

祇見散兵游勇，塘水滾塘魚，唔見大戶蹤影。第一局做淡博奕終告結束。戰果：散戶小勝，大戶輸。

大戶牛咁眼評估散戶情緒，睇住建行招股情況，發現散戶好鬼醒，暫時入票唔多。大戶可能唸，如果繼續做淡，散戶有大把游資在手，又可能重複第一局的戰果。但如果暫停做淡，比港股回氣，又可能失去再做勁淡的良機。睇黎大戶，可能會等埋建行招股完畢，再評估招股及市場情緒，才會有所行動。

唉，大戶，真唔易做！

在我(嘗淺的)投資生涯中，追蹤大戶已經成為我的興趣。孫子兵法所謂："形人而我無形"。不可把大戶的形象太過神化，以為佢地可以呼風喚雨。其實佢地祇是大散戶，比起無數的市場散戶，大戶的實力，其實是很小。不過，大戶是有其過人之處，佢會用沙盤推演，econometics models and technical analysis，去預測經濟、commodity、currency、政府策略等等。這些，散戶是無沒做到的。這些沙盤推演，連現在可能政府都唸唔到的economic variables都會放入去做simulation。

大戶在游資不及散戶多，雖然在資訊上比散反優勝的情況下，都多是玩心理戰術，把散戶的自私心態引出來，才可致勝。大戶以小擊大，把散戶分化，用博奕論所說的"逐個擊破博奕"來致勝。

建議策略：大戶不動，我不動，以逸待勞。保持實力，預備下一局博奕。